Mižnarodnaja fiederacyja łyžnaha sportu nie dapuściła biełarusaŭ ź niejtralnym statusam da hulniaŭ u 2026 hodzie
Biełarusy i rasijanie nie zmohuć udzielničać u zimovych Alimpijskich i Paralimpijskich hulniach u 2026 hodzie. Pra heta havorycca ŭ pres-relizie na sajcie Mižnarodnaj fiederacyi łyžnaha sportu (FIS).
Pastanovu ab hetym pryniali ŭ Radzie FIS. Takim čynam niejtralnyja łyžniki nie buduć spaborničać za pucioŭku na Alimpijskija i Paralimpijskija hulni, jakija adbuducca ŭ 2026 hodzie.
Udzielničać nie zmohuć rasijskija i biełaruskija spartsmieny, jakija zajmajucca łyžnymi honkami, skokami z tramplina, łyžnym dvajaborjem, harnałyžnym sportam, frystajłam i snoŭbordynham.
U studzieni prezident FIS Jochan Elijaš zajaviŭ, što padtrymlivaje viartańnie rasijskich i biełaruskich spartsmienaŭ da vystupaŭ u spabornictvach.
U vieraśni MAK dapuściŭ rasijskich i biełaruskich spartsmienaŭ da ŭdziełu ŭ Alimpijskich hulniach-2026 u «niejtralnym» statusie pa praviłach Paryža-2024. Jak paviedamiŭ prezident NAK Ukrainy Vadzim Hutcajt, rasijanie i biełarusy buduć spaborničać na turniry biez vykarystańnia ŭłasnaj simvoliki.