Litva adkryła punkty propusku na miažy ź Biełaruśsiu
U sieradu z 9.00 hadziny adnaviŭsia nadhlad i propusk hramadzian i transpartnych srodkaŭ praz punkty propusku «Miedniki» i «Salečniki» na miažy ź Biełaruśsiu, paviedamlaje Delfi.
Fota: VSAT
U noč na sieradu Litva časova prypyniała propusk asob i transpartnych srodkaŭ u dvuch naziemnych punktach kantrolu na miažy ź Biełaruśsiu — u Miednikach i Salečnikach (ź biełaruskaha boku — Kamienny Łoh i Bieniakoni).
Heta miera harantavańnia biaśpieki Litvy, źviazanaja z pavietranymi šarami, zapuščanymi ŭnačy ź Biełarusi ŭ Litvu, havorycca ŭ paviedamleńni Pamiežnaj słužby.
U taki čas sutak ruch i patoki praz abodva zhadanyja punkty minimalnyja. Asablivych padziej abo incydentaŭ da ranicy sierady z-za zakryćcia punktaŭ nie zafiksavana ni na ich terytoryi, ni ŭ prybližanych zonach.
Ź viečara z-za kantrabandnych mieteazondaŭ, zapuščanych ź Biełarusi, byŭ zakryty aeraport Vilni.
Pa stanie na 10:00 na pamiežnych pierachodach «Kamienny Łoh» i «Bieniakoni» stajać pa 40 lehkavych aŭtamabilaŭ.