Ivan Kraŭcoŭ razzłavaŭsia, što Cichanoŭskuju paklikali ŭ Jeŭraparłamient: Jaje mierkavańnie ŭvohule nie adlustroŭvaje mierkavańnie biełarusaŭ

Člen kolišniaha štaba Viktara Babaryki 2020 hoda, a ciapier sakratar Kaardynacyjnaj rady i siabar kamandy babarykancaŭ razyšoŭsia nie na žart.

Ivan Kraŭcoŭ. Fota: LookByMedia

Ivan Kraŭcoŭ niervova adreahavaŭ na debaty pa Biełarusi ŭ Jeŭraparłamiencie, na jakich vystupajuć Śviatłana i Siarhiej Cichanoŭskija. Svaje refleksii palityk pisaŭ u telehram-čacie «Tolki refarmatary i refarmatarki».

Spačatku Kraŭcoŭ pakpiŭ z taho, što zała padčas debataŭ była paŭpustaja. «Kolki jeŭradeputataŭ? 15?», — zadaŭsia pytańniem jon.

@nashanivanews «U nas jość płan, jak stać nastupnaj Finlandyjaj Uschodniaj Jeŭropy. U vas jość pryłady, resursy i moc, kab heta ažyćciavić. Ciapier sprava za vami, Jeŭropa. Nie padviadzi nas! Nie tak, jak u minuły raz. Žyvie Biełaruś!» Siarhiej Cichanoŭski skončyŭ svoj vystup u Jeŭraparłamiencie. Deputaty apładziravali byłomu palitviaźniu stojačy. #našaniva #tichanovskaja #tichanovskij #biełaruśnovosti #mova ♬ mirage - théos & Antent

U Kraŭcova ŭdakładnili, čamu jon taki taksičny.

«Ja toksik, tamu što liču, što heta fejk praces. Mierkavańnie Cichanoŭskaj uvohule nie adlustroŭvaje mierkavańnie biełarusaŭ. A nievialikaja hrupa tych, chto spačuvaje ŭ Jeŭraparłamiencie, arhanizoŭvaje cyrk. I słuchać hetyja pramovy dałba*bskija [stvoranyja ŭ] čacie GPT, niemahčyma», — razyšoŭsia sakratar Kaardynacyjnaj rady, u jakoj učora jakraz adbyvalisia słuchańni pa zakonaprajekcie «Ab hiendarnaj roŭnaści».

«Ja da taho, što heta nie padzieja z punktu hledžańnia realnych dziejańniaŭ pa Biełarusi. Drennaje [u hetym toje], što cyrkuluje pa bolšaj častcy bułšyt potym u Jeŭraparłamiencie», — praciahnuŭ Kraŭcoŭ.

Jon navat zasmuciŭsia, što niamieckaje miedyja Deutche Welle rabiła tranślacyju padziei. «Ličać, što važna», — narakaje palityk.

Kamientary da artykuła