U Biełarusi źjaviŭsia servis pa arendzie iPhone
Prajekt Onebel prapanuje aformić padpisku na hadžet tym, chto choča prateściravać kankretnuju madel telefona.
Ilustracyjny zdymak
«Naša meta — dać ludziam dostup da aryhinalnaj techniki bieź nieabchodnaści adrazu ŭkładvać bujnuju sumu», — raskazaŭ Office Life kiraŭnik adździeła prodažaŭ Onebel Mikita.
Hety prajekt u Biełarusi raźvivaje kampanija «TrastTechnaRentKompani». Jana była zarehistravanaja ŭ červieni 2025 hoda. Asnoŭny vid dziejnaści firmy — arenda i lizinh pradmietaŭ asabistaha spažyvańnia i bytavych pryboraŭ.
Arenda ŭ Onebel pracuje nastupnym čynam: karystalnik vybiraje madel telefona ad Apple, na jakuju choča aformić padpisku, i termin. Paśla ŭ kampanii raźličvajuć miesiačny košt i zaklučajuć ździełku.
U kampanii ŭpeŭnienyja, što ŭ takoj biznes-madeli jość pierśpiektyvy na biełaruskim rynku. Na dumku Mikity, ciapier u karystalnikaŭ vysokaja cikavaść da prajekta, «ludzi aktyŭna zadajuć pytańni, prachodziać pravierku i sprabujuć pasłuhu»:
«Kančatkovyja vysnovy možna budzie zrabić paśla prachodžańnia poŭnaha cykłu padpiski, kali klijenty pačnuć viartać pryłady. Ale ŭžo ciapier my bačym, što mnohija aceńvajuć zručnaść i hnutkaść takoha padychodu», — zapeŭniŭ jon.
Pierad tym, jak pieradać vykarystany telefon nastupnamu klijentu, Onebel budzie rabić dyjahnostyku pryład i pry patrebie zamianiać detali.
«Dalej my možam prapanavać pryładu paŭtorna pa źnižanaj canie abo pa prahramie trade-in. My sočym za jakaściu i stanam kožnaha dievajsa, kab klijent zaŭsiody atrymlivaŭ spraŭnuju i aktualnuju pryładu».