Nazvanyja pieramožcy premii imia Michała Aniempadystava
25 kastryčnika ŭ Bielsku-Padlašskim (Polšča) padčas fiestyvalu «Bardaŭskaja vosień» adbyłasia cyrymonija ŭručeńnia premii imia Michała Aniempadystava za najlepšuju vokładku knihi, vydadzienaj u 2024 hodzie.
Fota: Radyjo Racyja
Pieramožcami stali Ihar Juchnievič i Maša Maroz za afarmleńnie knihi «Moje baba — diriektor morha» aŭtarki Holi z Opola (samvyd, 2024).
Žury adznačyła pracu dyzajnieraŭ «za vykštałcony dyzajn knihi jak art-abjekta, za pavažlivaje chulihanstva i za vokładku, što nie saromiejecca być admietnaj».
Premija imia Michała Aniempadystava ŭšanoŭvaje spadčynu vybitnaha biełaruskaha mastaka, dyzajniera i kulturołaha, jaki zrabiŭ značny ŭpłyŭ na raźvićcio vizualnaj kultury Biełarusi. Zasnavanaja ŭ 2019 hodzie, jana adznačaje najlepšyja dyzajnierskija rašeńni ŭ afarmleńni knižnych vokładak i padtrymlivaje raźvićcio sučasnaha biełaruskaha dyzajnu.
Arhanizatary premii — Biełaruski PEN i fond «Open Culture», pry padtrymcy TAA «H&L», kampanii «Laut» i fiestyvalu «Bardaŭskaja vosień».