Zatrymany pieršy padazravany ŭ rabavańni Łuŭra
Adzin z padazravanych pa spravie ab rabavańni Łuŭra zatrymany ŭ paryžskim aeraporcie ŭ subotu viečaram 25 kastryčnika.
Aŭtavyška, jakoj karystalisia złodziei. Fota: AP Photo / Alexander Turnbull
Praz tydzień paśla ašałamlalnaha rabavańnia Łuŭra ŭ paryžskim aeraporcie byŭ aryštavany jak minimum adzin padazravany ŭ złačynstvie, paviedamiła France Inter krynica, blizkaja da śledstva.
Vydańnie Le Parisien paviedamlaje pra dvuch zatrymanych.
U suviazi z rabavańniem palicyja šukaje čatyroch padazravanych: dvuch złačyncaŭ, jakija ŭźleźli ŭ halereju «Apałon» z dapamohaj aŭtavyški, i jašče dvuch, jakija ŭdzielničali ŭ rabavańni i dazvolili padazravanym uciačy na skutarach.
19 kastryčnika rankam u paryžskim Łuŭry adbyłosia dziorzkaje abrabavańnie. Nieacennyja kaštoŭnaści byli skradzienyja za 7 chvilin.