Kab zatrymać debašyra ŭ Hrodnie, milicyja vykarystała zbroju
U Hrodnie na liniju 102 pastupiła paviedamleńnie, što na leśvičnaj placoŭcy ŭ šmatkvaternym domie mužčyna pavodzić siabie nieadekvatna i pužaje žycharoŭ. Na miesca adpravilisia supracoŭniki Kastryčnickaha RAUS.
«Padčas razmovy ź milicyjanierami mužčyna vyciahnuŭ z kišeni nož i nakiravaŭsia ŭ ich bok. Na nieadnarazovyja zakonnyja patrabavańni spynicca nie reahavaŭ. Paśla čarhovaha papiaredžańnia ŭ dačynieńni da pravaparušalnika była ŭžyta tabielnaja zbroja. Debašyram akazaŭsia 51‑hadovy žychar abłasnoha centra. Jon dastaŭleny ŭ balnicu, surjoznych paškodžańniaŭ nie atrymaŭ», — paviedamili va UUS.
Śledčymi zaviedziena kryminalnaja sprava za supraciŭ supracoŭniku orhanaŭ unutranych spraŭ, spałučany z užyvańniem hvałtu. Raniej fihurant bolš za 40 razoŭ pryciahvaŭsia da administracyjnaj adkaznaści.