Premjer Litvy: Polšča skaardynuje ź Litvoj płany adkryćcia pamiežnych pierachodaŭ ź Biełaruśsiu

Polšča pierahledzić svaje płany na adkryćcio pahranpierachodaŭ ź Biełaruśsiu paśla incydentaŭ u Litvie, miarkuje premjer-ministr Inha Ruhinienie. 

Inha Ruhinienie i Donald Tusk. Fota: kancylaryja ŭrada Litvy

«My ŭžo pierapisvalisia z premjeram Polščy, u nas budzie i bolš praciahłaja razmova. Polski premjer abaviazkova skaardynuje svaje dziejańni z nami, i heta vielmi važna», — cytuje LRT premjer-ministra.

Ruhinienie zajaviła pra heta paśla taho, jak litoŭski ŭrad zakryŭ miažu Litvy ź Biełaruśsiu na miesiac, a premjer-ministr Polščy Donald Tusk u hety ž čas abviaściŭ pra płany pa adnaŭleńni pracy dvuch pamiežnych pierachodaŭ z susiedniaj krainaj.

Paviedamlałasia, što Polšča maje namier adkryć pierachod «Kuźnica», zakryty z 9 listapada 2021 hoda, i pierachod «Babroŭniki», zakryty z 10 lutaha 2023 hoda.

Premjer Polščy zajaviŭ, što abodva pierachody mohuć być adkryty ŭ listapadzie.

«Nichto nie čakaŭ, što my raspačniom takija dziejańni i što hibrydnaja ataka budzie skiravana suprać Litvy tut i zaraz, tamu ŭ kožnaj krainy byli svaje rašeńni, ale paśla padziej tut, u Litvie, vidać, i płany našych susiedziaŭ buduć skarektavany», — skazała Ruhinienie.

Premjer skazała, što abmiarkuje hetaje pytańnie i ŭ čaćvier u Łatvii. Taksama jana skazała, što padtrymlivaje pastajannuju suviaź z premjeram Estonii.

Kamientary da artykuła