Novy dziŭny trend: maładoje pakaleńnie skuplaje zvyčajnyja kamiani — navošta?

Pakaleńnie alfa vychoŭvaje kamiani jak chatnich hadavancaŭ. A bolš darosłyja zumiery z dapamohaj kamianioŭ lečać zaležnaść.

Dla amataraŭ kamianioŭ navat prydumali aznačeńnie — petrokiery (ad anh. pet — hadavaniec i rock — kamień). Zvyčajny kamień z vulicy dla prava zvacca novym členam siamji pasuje nie ŭsim, tamu na markietpłejsach ciapier jość vialiki vybar «parodzistych» varyjantaŭ — kamianioŭ, u jakich jość navat pašpart i imiony.

Tak, na Wildberries možna abrać sabie novaha siabra ŭ cenavym dyjapazonie ad 6 da 14 rubloŭ, u zaležnaści ad typu kamienia i jaho ŭłaścivaściaŭ. Dastupnyja, naprykład, hipaalerhiennyja varyjanty ci adrazu z aksiesuarami i domikam.

Amiha i Dałores — kamiani-paračka. Fota: wildberries.by

Da kamianioŭ dałučajecca instrukcyja, jak ź imi abychodzicca, i asabistaja knižačka, kudy možna budzie ŭpisać imia, proźvišča, poł, dzień narodzinaŭ i inšyja charaktarystyki, kab «naładzić z hadavancam emacyjnuju suviaź».

Dziaŭčynka raspakoŭvaje svajho novaha kamiennaha hadavanca. Fota: vk.com

U ZŠA i Paŭdniovaj Karei petrokierstva było aktualnym jašče paru hadoŭ tamu, a ciapier dakaciłasia i da inšych krain.

Skrynšot: wildberries.by

Kali ŭ dziaciej 6‑12 hadoŭ kamiani — jak tamahočy ŭ svoj čas dla milenijałaŭ, to dla zumieraŭ jany nabyli dadatkovaje ŭnikalnaje značeńnie. Apošnim časam u siecivie papularyzujecca praktyka — prosta siadzieć z kamieniem u rukach štodzień ciaham hadziny i ničoha nie rabić. Dla takoj mety pasuje ŭžo choć jaki kamień.

Takim čynam zumiery ładziać niešta padobnaje da miedytacyi, što dapamahaje im skancentravacca vyklučna na sabie i adpačyć ad hadžetaŭ, ź jakimi jany baviać bolšuju častku žyćcia. Hłabalnaja meta padobnych praktyk — pieraadoleć zaležnaść ad sacsietak.

View this post on Instagram

A post shared by Vładimir Mazin (@ksatriya_ram)

Kamientary da artykuła