Tankier i naftanaliŭny terminał paškodžany ŭ vyniku ataki dronaŭ u Tuapse
Partovy horad Tuapse ŭ Krasnadarskim krai Rasii ŭ noč na niadzielu trapiŭ pad ataku ŭkrainskich dronaŭ. Paśla ataki zahareŭsia naftapirs NPZ, paškodžany tankier.
Miascovy apieratyŭny štab paviedamiŭ, što ŭ porcie abłomki dronaŭ upali na tankier, jaki pieravozić naftu. Ekipaž z sudna vyvieli, tam adbyŭsia pažar. Taksama paškodžanyja budynki i inšyja zbudavańni naftaschovišča.
Analityki ASTRA vyznačyli, što ŭ vyniku ataki zahareŭsia naftavy pryčał Tuapsinskaha naftapierapracoŭčaha zavoda. Hety pirs vykarystoŭvajuć dla adhruzki roznych naftapraduktaŭ na tankiery, jon absłuhoŭvaje jaho ekspartnyja apieracyi.
Marski port u Tuapse ŭžo byŭ atakavany sioleta ŭ lutym.