ChatGPT bolš nie budzie davać kankretnyja parady ŭ miedycynie, finansach i pravie
Kampanija OpenAI, jakaja stvaryła viadomy čat-bot ChatGPT, uviała zabaronu na nadańnie karystalnikam kankretnych parad u takich śfierach, jak miedycyna, finansy i prava. Hetaja infarmacyja źjaviłasia ŭ abnoŭlenaj palitycy vykarystańnia servisu, jakaja pačała dziejničać z 29 kastryčnika 2025 hoda.
Fota: vecteezy.com
U novym tekście praviłaŭ źjaviŭsia punkt, jaki zabaraniaje vykarystoŭvać servisy dla «śpiecyjalizavanych kansultacyj, jakija patrabujuć licenzii, takich jak jurydyčnyja abo miedyčnyja, biez adpaviednaha pryciahnieńnia licenzavanaha śpiecyjalista».
Akramia taho, ChatGPT ciapier zabaroniena aŭtamatyzavać pryniaćcie važnych rašeńniaŭ u klučavych halinach biez udziełu čałavieka. Da takich važnych śfier adniesienyja: adukacyja, žyllo, pracaŭładkavańnie, finansavaja dziejnaść i kredytavańnie, strachavańnie, nacyjanalnaja biaśpieka, mihracyja i inšyja.
Zhodna z publikacyjaj, kampanija ŭvodzić abnaŭleńni ŭ palityku vykarystańnia, kab harantavać, što jaje instrumienty vykarystoŭvajucca biaśpiečna i adkazna.