Fiermiery z-pad Słucka skaryli tyktok svaim sałam i kumpiakom
«Hałoŭnaje, heta videa majmu mužu nie pakazvajcie, a to z Kazachstana ŭ Biełaruś pieški pojdzie».
Skrynšot videa
Fiermiery ź vioski Anufravičy Słuckaha rajona robiać kaŭbasy roznych vidaŭ, sała, kumpiak, chaładziec. Pradavać miasnyja prysmaki jany jeździać na kirmašy pa roznych vioskach, a taksama dasyłajuć pa krainie «Biełpoštaj».
Videa, dzie haspadynia Kaciaryna narazaje na marozie toŭstaje sała, źbirajuć miljony prahladaŭ. Takoje sała ź miasnoj prasłojkaj u fiermieraŭ kaštuje 28 rubloŭ za kiłahram.
Apietytnymi prysmakami zachaplajucca nie tolki biełarusy.
«Hałoŭnaje, heta videa majmu mužu nie pakazvajcie, a to z Kazachstana ŭ Biełaruś pieški pojdzie», — pišuć u kamientarach amatary sała.