Palitviaźnia Paŭła Špietnaha asudzili pavodle novaj kryminalnaj spravy jašče na dva hady źniavoleńnia
U Babrujsku 8 kastryčnika adbyŭsia sud nad palitźniavolenym aktyvistam anarchisckaha ruchu Paŭłam Špietnym.
Jaho pryznali vinavatym pavodle č. 2 art. 411 KK (złosnaje niepadparadkavańnie patrabavańniam administracyi papraŭčaj ustanovy). Sud Babrujska i Babrujskaha rajona pryznačyŭ Paŭłu jašče dva hady źniavoleńnia ŭ dadatak da šaści hadoŭ kałonii, piša @belarus_abc.
Pavieł — žychar Bresta. Jaho zatrymali 2 sakavika 2021 u miežach kryminalnaj spravy, zaviedzienaj na aktyvistaŭ anarchisckaha ruchu z Bresckaj vobłaści. U vieraśni 2022 hoda Paŭłu pryznačyli šeść hadoŭ kałonii va ŭmovach uzmocnienaha režymu i štraf 500 bazavych vieličyniaŭ (16 000 rubloŭ), piša «Viasna».