KNDR adpraviła ŭ Rasiju jašče 5000 vajskoŭcaŭ
Paŭnočnaja Kareja z pačatku vosieni pierakinuła ŭ Rasiju 5000 vajskoŭcaŭ-budaŭnikoŭ dla akazańnia dapamohi ŭ «adnaŭleńni infrastruktury». Pra heta sa spasyłkaj na vyviedku Paŭdniovaj Karei ŭ aŭtorak paviedamiŭ člen parłamienta krainy Li Son Hvon, pieradaje Euractiv.
U cyrymonii pačatku ŭźviadzieńnia miemaryjału ŭ Pchieńjanie ŭ honar zahinułych na vajnie z Ukrainaj uziaŭ udzieł Kim Čen Yn. Fota: KCNA.kp
«Ź vieraśnia kala 5000 paŭnočnakarejskich budaŭničych vojskaŭ paetapna pierakidvajucca ŭ Rasiju i, jak čakajecca, buduć mabilizavanyja dla adnaŭleńnia infrastruktury», — skazaŭ deputat.
Pavodle jaho słovaŭ, paŭdniovakarejskaja vyviedka taksama vyjaviła «prykmiety» navučańnia i adboru piersanału ŭ ramkach padrychtoŭki «da dadatkovaha pierakidvańnia vojskaŭ».
Ciapier kala rasijska-ŭkrainskaj miažy, pavodle acenak śpiecsłužbaŭ, skancentravanyja kala 10 000 paŭnočnakarejskich vajskoŭčaŭ, skazaŭ Li. Pry hetym, pavodle acenak Sieuła, na vajnie va Ukrainie zahinuła prynamsi 600 paŭnočnakarejskich sałdat, jašče tysiačy atrymali ranieńni, a na minułym tydni ŭ Pchiejańjanie pačali ŭzvodzić miemaryjał u honar zahinułych.
Čytajcie taksama:
U KNDR uzvodziać miemaryjał u honar sałdat, što zahinuli za Rasiju