Adnaho z paciarpiełych padčas vybuchu na «Biełaruśkalii» pieraviali z reanimacyi ŭ adździaleńnie
Adnaho z čatyroch rabočych, jakija paciarpieli padčas vybuchu na «Biełaruśkalii» 31 kastryčnika, pieraviali z reanimacyi ŭ apiokavaje adździaleńnie — jaho stan palepšyŭsia. Pra heta paviedamili ŭ Ministerstvie achovy zdaroŭja Biełarusi.
Fota ilustracyjnaje
Troje inšych paciarpiełych zastajucca ŭ stabilna ciažkim stanie. Dvoje ź ich usio jašče padklučanyja da aparataŭ štučnaj vientylacyi lohkich praź ciažkija inhalacyjnyja traŭmy. Dvaim rychtujuć apieracyi — im zrobiać chirurhičnuju apracoŭku ran i vydaleńnie paškodžanych tkanak.
Pacyjenty atrymlivajuć usiu nieabchodnuju miedycynskuju dapamohu ŭ Respublikanskim apiokavym centry BCHMP u Minsku. Za ich lačeńniem sočać śpiecyjalisty Minzdaroŭja, staličnaha kamiteta achovy zdaroŭja i vykładčyki mieduniviersiteta, jakija razam vyznačajuć dalejšuju taktyku lačeńnia.
31 kastryčnika na «Biełaruśkalii» ŭ Salihorsku adbyŭsia vybuch — na adkrytaj placoŭcy ŭ cechu miembrannaha elektrolizu vybuchnuła pustaja jomistaść z-pad salanaj kisłaty, što paškodziła susiedni reziervuar. U vyniku paciarpieli čatyry čałavieki. Śledčy kamitet raspačaŭ kryminalnuju spravu.
Čytajcie taksama:
Stan paciarpiełych rabotnikaŭ «Biełaruśkalija» stabilna ciažki
Paśla vybuchu na «Biełaruśkalii» śpiecyjalisty pravieryli stan pavietra ŭ rehijonie
Paciarpiełych pry nadzvyčajnym zdareńni na «Biełaruśkalii» pieravieźli ŭ Minsk
Nadzvyčajnaje zdareńnie na «Biełaruśkalii»: čatyry čałavieki z apiokami ŭ balnicy