Biełarusy skardziacca, što ŭpakoŭka ad «Santa-Bremar» stała niazručnaj dla adkryćcia

Biełarusy pačali masava skardzicca na novyja ŭpakoŭki praduktaŭ kampanii «Santa-Bremar». Jak narakajuć pakupniki, adkryć pastu «Marski kaktejl u sousie» biez nažnic abo naža amal niemahčyma — choć na ŭpakoŭcy paznačana «lohki pierakus». Ludzi žartujuć, što dla takoha pierakusu treba spačatku «ŭzbroicca», piša BGMedia.

Fota: threads.com/@maximladovsky

Kampanija adreahavała na zaŭvahi i patłumačyła, što prablema ŭźnikła praz sankcyi i deficyt upakovačnych materyjałaŭ. Z-za hetaha vytvorca časova pierajšoŭ na inšy typ upakoŭki, jaki nie maje lohkaha miechanizmu adkryćcia. U «Santa-Bremary» abiacajuć, što ciapier pracujuć nad viartańniem zručnaha farmatu, a pakul rajać karystacca pry adkryćci ŭpakoŭki nažom.

Heta nie pieršy taki vypadak: jašče raniej biełarusy publikavali videa ŭ tyktoku, pakazvajučy, jak ciažka adkryć pastu «Antarktyk kryl».

Kamientary da artykuła