U Kijevie načalnik upraŭleńnia palicyi sprabavaŭ uciačy razam z $400 tysiač
U Kijevie palicyja abviaściła ŭ vyšuk načalnika Darnickaha ŭpraŭleńnia palicyi Juryja Rybianskaha, jaki nie vyjšaŭ na słužbu i nie adkazvaŭ na zvanki. Razam ź im źnikła bujnaja suma aryštavanych hrošaj.
Pavodle ŚMI, z kamiery zachoŭvańnia ŭpraŭleńnia źnikli $400 000. Źnikły načalnik mieŭ dostup da aryštavanaj majomaści.
Palicyja pačała pošuki Rybianskaha ŭ ramkach kryminalnaj vytvorčaści, zaviedzienaj pa artykule «Naŭmysnaje zabojstva» z pamietkaj «bieź viestak źnikły».
Paźniej źjaviłasia infarmacyja, što Rybianski byŭ zatrymany ŭ Rovienskaj vobłaści. UNIAN śćviardžaje, što hrošy byli ź im.
Historyju źviazvajuć z «kryšavańniem» niezakonnych ihralnych ustanoŭ u Kijevie, piša kanał INSIDER UA.