Akademija kiravańnia pieršaj atrymała status biznes-škoły
Ministr ekanomiki 30 kastryčnika pryniaŭ rašeńnie ab nadańni Akademii kiravańnia statusu «biznes-škoła».
Fota: Minekanomiki
Takim čynam, jana stała pieršaj u našaj krainie ŭstanovaj, što atrymała hety status, paviedamlaje Minekanomiki.
Siońnia namieśnik ministra ekanomiki Maryja Mažynskaja va ŭračystaj abstanoŭcy ŭručyła paśviedčańnie №1 rektaru Akademii Dzianisu Duku.
«Analizujučy «historyju pośpiechu» taho ci inšaha pradpryjemstva, my bačym, što mnohija ich dasiahnieńni źjaŭlajucca vytvornymi ad hramatnych rašeńniaŭ dyrektarskaha korpusa. I kali my chočam maštabavać padobnyja kiejsy na ŭsiu krainu, nieabchodna arhanizavać masavuju padrychtoŭku kiraŭničych kadraŭ novaj farmacyi. I najaŭnaść stupieni MBA budzie vystupać admietnaj prykmietaj dla takich top-mieniedžaraŭ», — adznačyła namieśnica kiraŭnika ekanamičnaha viedamstva.
Na dumku Maryi Mažynskaj, na status biznes-škoły zdolnyja pretendavać i šerah inšych arhanizacyj, jakija daŭno pracujuć na rynku, majuć nieabchodny dośvied i patencyjał.
Adpaviedna, kolkaść słuchačoŭ prahram «Majstar biznes-administravańnia» budzie raści, zabiaśpiečvajučy stabilny prytok vysokakvalifikavanych kiraŭnikoŭ u realny siektar ekanomiki.