Rabotnica klininhavaj kampanii skrała viasielny piarścionak klijentki
37‑hadovaja žančyna pracavała klinierkaj u pryvatnaj kampanii. Adnojčy joj daručyli prybrać kvateru na vuł. Adojeŭskaha ŭ Minsku.
Pinterest.com
Padčas prybirańnia jana zazirnuła ŭ adnu z šafak u kalidory i ŭbačyła skrynku z kaštoŭnaściami. Joj spadabaŭsia załaty viasielny piarścionak z dyjamientami, jaki jana skrała, pišuć «Minsk-naviny».
Viarnuŭšysia dadomu, jana schłusiła svajmu mužu, što ŭpryhožańnie joj padaryła maci. Pakolki ŭ ich siamji było ciažkaje materyjalnaje stanovišča, mužčyna prapanavaŭ zdać jaho ŭ łambard. Žonka nie zapiarečyła.
Vyjaviŭšy prapažu piarścionka, paciarpiełaja źviarnułasia ŭ milicyju, acaniŭšy škodu ŭ 3 tysiačy rubloŭ. Padazravanuju chutka vyvieli na čystuju vadu, u adnosinach da jaje zaviali čarhovuju kryminalnuju spravu.
— Abvinavačanaja nidzie aficyjna nie pracuje, na ŭtrymańni maje 4‑hadovaha syna, raniej dvojčy pryciahvałasia da kryminalnaj adkaznaści — sudzimaści pahašanyja, — prakamientavaŭ namieśnik prakurora Frunzienskaha rajona Andrej Siarbun. — Joj vystaŭlena abvinavačańnie ŭ kradziažy. Vinu pryznała.
Škoda kampiensavanaja šlacham viartańnia piarścionka z łambarda.