U Homieli troje studentaŭ z cacačnymi aŭtamatami napałochali dziaŭčynu
Troje studentaŭ (19, 20 i 21 hod) paśla zaniatkaŭ vyrašyli ŭspomnić dziacinstva i paviesialicca.
Jany kupili ŭ kramie cacačnyja aŭtamaty i, biehajučy pa horadzie, dureli, celačysia adzin u adnaho, paviedamlaje milicejski telehram-kanał.
U adnym z dvaroŭ jany stali biehać pa kustach i zahladać u vokny. Tak jany napałochali haspadyniu adnoj studyi pryhažości, raźmieščanaj na pieršym paviersie.
Dziaŭčyna spužałasia i źviarnułasia ŭ milicyju.
Milicyjaniery znajšli chłapcoŭ i dastavili na prafiłaktyčnuju razmovu ŭ RAUS. Studenty tam vybačylisia.