Pamierła žycharka Mazyra, jakuju parezaŭ nažom muž
U Mazyry pamierła žančyna, na jakuju 7 listapada napaŭ z nažom jaje muž. Pra heta paviedamlaje telekanał «Mazyr».
Padčas incydentu ŭ kvatery. Skrynšot videa
Jak paviedamlałasia raniej, unačy 7 listapada ŭ milicyju patelefanavała dačka paciarpiełaj i skazała, što baćka paraniŭ maci nažom. Kali siłaviki pryjechali na miesca zdareńnia, mužčyna byŭ pjany, admaŭlaŭsia addać nož i pajšoŭ u bok milicyjaniera. Toj byŭ vymušany strelić ź pistaleta.
Žančynu dastavili ŭ balnicu ź nie mienš jak siamiu nažavymi ranami, u tym liku ŭ tvar i žyvot. 10 listapada jana pamierła.
Mužčyna ciapier znachodzicca ŭ balnicy. Jon padazrajecca ŭ zabojstvie z asablivaj žorstkaściu i pahrozie prymianieńnia hvałtu da supracoŭnika milicyi.
U siamji vychoŭvałasia čaćviora dziaciej. Ciapier jany ŭ svajakoŭ.
Čytajcie taksama:
U Mazyry mužčyna niekalki razoŭ udaryŭ nažom žonku, a potym kinuŭsia ź im na milicyjaniera
Minčuk vyklikaŭ čałavieku na vulicy chutkuju, ale potym sam staŭ fihurantam kryminalnaj spravy
Złačyncu, jaki žorstka zabiŭ biełarusku ŭ lesie, znajšli praz 10 hadoŭ i asudzili