Jak vyhladaje pomnik na mahile Ramana Bandarenki FOTAFAKT

Raman Bandarenka pamior roŭna piać hadoŭ tamu ŭ vyniku žorstkaha źbićcia na Płoščy Pieramien u Minsku.

Fota: «Dapamoha»

Ciapier stała viadoma, jaki pomnik pastavili na mohiłkach zabitamu mužčynu.

«Dziakujučy padtrymcy, salidarnaści i lubovi, siońnia hety pomnik staić — jak simvał hodnaści, mužnaści i pamiaci pra čałavieka, jaki addaŭ svajo žyćcio za praŭdu i za Biełaruś. Siamja vykazvaje padziaku ŭsim, chto achviaravaŭ srodki i chto prosta pamiataje. Heta pomnik nie tolki Ramanu — heta pomnik usim, chto nie zmoŭk pierad złom», — paviedamlajecca ŭ telehram-kanale arhanizacyi «Dapamoha».

Siońnia a 19‑j hadzinie kala pasolstva Biełarusi ŭ Vilni (vuł. Mindoŭha, 13, adrazu za kramaj «Maksima») projdzie akcyja pamiaci Ramana. 

@nashaniva Rodnyja pastavili pomnik na mahile Ramana Bandarenki. Jany doŭha čakali, minuła piać hadoŭ. Možna zdahadvacca ab pryčynach taho, čamu heta zaciahnułasia. Narešcie pomnik paŭstaŭ. Ën ścipły, ale dastojny, z šeraha hranitu #biełaruś #iavychožu #našaniva #mova #romanbondarienko ♬ original sound - Basem khaled متخصص بشره

31‑hadovaha Ramana Bandarenku źbili i zatrymali napiaredadni 11 listapada 2020 hoda na Płoščy Pieramien u Minsku, a paśla zabrali ŭ RUUS Centralnaha rajona. Adtul mužčyna trapiŭ u Balnicu chutkaj dapamohi z aciokam hałaŭnoha mozhu i šmatlikimi traŭmami, dzie praź niekalki hadzin pamior.

Jaho apošnimi słovami viečaram 11 listapada byli: «Ja vychodžu».

Dziakujučy źlitym zapisam razmoŭ i bilinhu telefonaŭ, stała viadoma, što siarod prysutnych na Płoščy Pieramien u toj viečar byli pres-sakratarka Łukašenki Natalla Ejsmant, eks-kiraŭnik biełaruskaj Fiederacyi chakieja, a ciapier sienatar Dźmitryj Baskaŭ, kikbaksior, jaki treniravaŭ SACHR, Dźmitryj Šakuta.

Kamientary da artykuła