Machlary napałochali 11‑hadovaha školnika, i jon vynies z doma ŭsie hrošy
Školnik u internecie paznajomiŭsia nibyta z adnahodkam.
Novy znajomy paprasiŭ prysłać hieałakacyju nibyta dla sustrečy. Jak tolki dzicia adpraviła paviedamleńnie, ź im źviazaŭsia nieviadomy i paviedamiŭ — jon pieradaŭ svaje danyja machlaram i jaho siamja ŭ niebiaśpiecy, paviedamlaje «Milicyja Minska».
Dalej chłopčyku pryjšło paviedamleńnie nibyta ad śledčaha, jaki zapałochaŭ dzicia kryminalnaj adkaznaściu i pahražaŭ aryštam baćkoŭ. Kab siamja nie paciarpieła, chłopčyk pakinuŭ pad arkaj žyłoha doma bolš za 19000 rubloŭ, jakija ŭziaŭ u kvatery.
Syščyki ŭstanavili, što hrošy zabrała 64‑hadovaja piensijanierka i pieradała pasredniku. Žančyna stała achviaraj padmanu: pavieryła łžasupracoŭniku damafonnaj słužby, pradyktavała asabistyja danyja, a potym pahadziłasia ŭdzielničać u śpiecapieracyi.