Na 5 hadoŭ źniavoleńnia asudzili «praktyčnaha maha» sa Žłobina

23‑hadovaha žychara Žłobina, viadomaha ŭ tyktoku jak «praktyčny mah», asudzili na piać hadoŭ kałonii za machlarstva. Jon abdurvaŭ ludziej, abiacajučy źniać suroki, ačyścić zołata ad psichałahičnaha niehatyvu i «advabić kachanku ad muža».

Zdymak ilustracyjny. Krynica: freepik.com

Z kastryčnika 2022 hoda pa luty 2025 hoda «ekstrasens» prymaŭ zakazy praz sacsietki i miesiendžary, ładziŭ płatnyja «rytuały na ŭdaču» i «ačystki» anłajn, zapeŭnivajučy klijentaŭ, što zmoža pazbavić ich niehatyvu. Ludzi pieraličvali hrošy na jaho rachunak, ale realnaha vyniku nie było.

Usiaho chłopiec ašukaŭ 128 čałaviek i atrymaŭ takim čynam bolš za 32 tysiačy rubloŭ. Siarod achviar byli ludzi ad 22 da 61 hoda, kožny šosty — mužčyna.

Paviedamlajecca, što małady čałaviek pryznaŭ vinu i raskajaŭsia. Sud pryhavaryŭ jaho da piaci hadoŭ kałonii ŭzmocnienaha režymu i štrafu ŭ 100 bazavych vieličyń (4200 rubloŭ). Taksama vyrašajecca pytańnie kampiensacyi paciarpiełym.

Kamientary da artykuła