Sistema Payoneer spyniła pieravody na dalaravyja rachunki ŭ Biełarusi
Płaciežnaja sistema Payoneer abjaviła, što bolš nie pravodzić pieravody ŭ dalarach ZŠA ŭ Biełaruś. Pra heta paviedamili karystalniki, jakija atrymali adpaviednyja paviedamleńni ad servisu, piša Office Life.
Zdymak ilustracyjny. Krynica: «Naša Niva»
U tłumačeńni kampanii adznačajecca, što dalaravyja bankaŭskija rachunki biełarusaŭ buduć adklučanyja ad akaŭntaŭ Payoneer, kab paźbiehnuć niaŭdałych tranzakcyj.
Ciapier pieravody ŭ Biełaruś u dalarach praz hetu sistemu stali niedastupnymi, ale pieravody ŭ jeŭra praciahvajuć pracavać u zvyčajnym režymie. Karystalnikam prapanujuć pamianiać svaje rachunki z dalaravych na jeŭravyja, kab praciahvać atrymlivać vypłaty. Pry hetym srodki možna nakiroŭvać ź inšych valutnych bałansaŭ, naprykład z dalaraŭ abo funtaŭ sterlinhaŭ, — hrošy buduć aŭtamatyčna kanviertavacca ŭ jeŭra.
Payoneer taksama nahadvaje, što paśla lutaha 2022 hoda sistema nie pracuje ź niekatorymi biełaruskimi bankami, jakija trapili pad zachodnija sankcyi. Tamu častka karystalnikaŭ nie moža vyvodzić srodki abo stvarać novyja akaŭnty.
Čytajcie taksama:
Biełarusy nie mohuć vyvieści hrošy z Payoneer
«Hrošy zaličany inšamu klijentu: u jaho taki ž identyfikatar» — redki vypadak z bankaŭskaj kartkaj
U biełarusaŭ uźnikajuć ciažkaści z vykarystańniem Apple Pay. Nacbank prakamientavaŭ