Asnoŭnyja vyjezdy ź Minska zrobiać z cemientna-bietonnym pakryćciom
Na nastupnuju piacihodku pastavili zadaču, kab dajechać z haradoŭ-spadarožnikaŭ da Minska možna było za 20—25 chvilin. Pra heta paviedamiŭ ministr transpartu i kamunikacyj Alaksiej Lachnovič u intervju «Pieršamu infarmacyjnamu».
Fota ilustracyjnaje
Pavodle słoŭ čynoŭnika, pytańnie rehularnych pieravozak pamiž stalicaj i haradami-spadarožnikami znachodzicca na asablivym kantroli: zručny transpart — adna z klučavych umoŭ kamfortnaha žyćcia ŭ takich haradach.
Što da darožnaj infrastruktury, to na ŭzroŭni Łukašenki pryniata rašeńnie rabić asnoŭnyja vyjezdy sa stalicy z cemientna-bietonnym pakryćciom. Takija raboty ŭžo viaducca na trasie M4 u kirunku Rudzienska, dzie pašyrajuć vialiki ŭčastak darohi i ŭkładvajuć bieton. U 2026 hodzie hetuju technałohiju płanujuć vykarystoŭvać pry kapitalnym ramoncie darohi na Zasłaŭje.
Ministr adznačyŭ, što dziakujučy značnym finansavym układańniam za 2024—2025 hady adnavili 10 tysiač kiłamietraŭ aŭtadaroh. Usiaho ŭ hetaj piacihodcy adramantavana kala 18 tysiač kiłamietraŭ.
Čytajcie taksama:
Dla pajezdak ź Minska ŭ Barysaŭ i Žodzina zakupiać 15 dadatkovych aŭtobusaŭ
«Čaho ź ludziej ździekujeciesia?!» Łukašenka zahadaŭ prybrać maršrutki
U Minsku narabili šmat niepatrebnych parkinhaŭ. Ciapier ich buduć pierarablać