Samaloty, drony-pierachopniki i SPA. Zialenski raskryŭ detali padpisanaj damovy z Francyjaj
Ukraina i Francyja padpisali dekłaracyju ab namierach supracoŭnictva ŭ śfiery nabyćcia Kijevam abaronnaha abstalavańnia. U dakumiencie havorka idzie pra samaloty, drony i sistemy SPA.
Skryn videa
«Siońnia asablivy momant, sapraŭdy histaryčny dla abiedźviuch nacyj — Francyi i Ukrainy. Padpisali razam z Emanuelem Makronam dekłaracyju ab namierach adnosna supracoŭnictva ŭ śfiery nabyćcia Ukrainaj abaronnaha abstalavańnia», — zajaviŭ Zialenski.
Pavodle jaho słoŭ, hety dakumient daje Ukrainie mahčymaść nabyć vajskovaje abstalavańnie z francuzskaj abaronnaj pramysłovaj i technałahičnaj bazy, u pryvatnaści:
- 100 samalotaŭ Rafale F4 da 2035 hoda dla bajavoj avijacyi Ukrainy;
- sistemy SPA SAMP-T;
- radary da sistem SPA;
- rakiety kłasa «pavietra-pavietra»;
- avijabomby.
Taksama ŭžo ŭ hetym hodzie pačnucca sumiesnyja prajekty pamiž abaronnymi halinami. Krainy buduć supolna raspracoŭvać drony-pierachopniki, pracavać nad raźvićciom krytyčnych technałohij i kampanientaŭ, jakija mohuć być intehravanyja va ŭkrainskija bieśpiłotniki.
Francuzski bok padkreślivaje, što padpisanaja dekłaracyja źjaŭlajecca krokam da padpisańnia kankretnych kantraktaŭ, jakija ŭmacujuć doŭhaterminovuju abaronazdolnaść Ukrainy.