Minski mietrapaliten pakazaŭ novyja ciahniki, zroblenyja pad zakaz u Rasii

Dva ciahniki madeli «Minsk-2024», vyrablenyja na zavodzie «Mietravahonmaš», chutka prybuduć u elektradepo TČ-2 «Mahiloŭskaje» dla zaviaršalnaj padrychtoŭki, piša Tochka.by.

Novyja ciahniki pryznačanyja dla abnaŭleńnia i madernizacyi parku Aŭtazavodskaj linii — druhoj pa ŭzroście ŭ Minsku. U miežach damovy z rasijskim zavodam płanujecca pastaŭka 20 vahonaŭ.

Novyja ciahniki buduć abstalavanyja zaradkami dla smartfonaŭ i skraznymi pierachodami pamiž vahonami.

U mietrapalitenie adznačyli, što choć technika vyrablenaja ŭ Rasii, u joj vykarystanyja i biełaruskija kampanienty: hasilniki vahańniaŭ, elemienty aśviatleńnia sałona i kabiny mašynista, ščotki ačystki šybaŭ i bartavaja sistema biaśpieki ruchu.

Kamientary da artykuła