Łukašenka zaprasiŭ łatyšoŭ u Biełaruś
Alaksandr Łukašenka pavinšavaŭ narod Łatvii z nacyjanalnym śviatam — Dniom abviaščeńnia Łatvijskaj Respubliki, paviedamlaje jaho pres-słužba.
Fota: Sergei Bobylev, Sputnik, Kremlin Pool Photo via AP
Jak adznačyŭ palityk, imknieńnie žycharoŭ Łatvii zachavać nacyjanalnuju samabytnaść, žyćcio ŭ miry i zhodzie z susiedziami dziesiacihodździami spryjała ŭmacavańniu dobrazyčlivych adnosin ź Biełaruśsiu.
«My razam pracavali, znachodzili mahčymaści dla ŭzajemavyhadnaha supracoŭnictva. Biełaruskija ludzi ceniać heta i zaŭsiody rady novym sustrečam», — havorycca ŭ vinšavańni.
Łukašenka vykazaŭ upeŭnienaść, što nibyta niahledziačy na niaŭdałyja sproby niekatorych palitykaŭ hvałtoŭna abmiežavać biełaruska-łatvijskija humanitarnyja suviazi, udasca pieraadoleć lubyja ciažkaści i zachavać adnosiny dobrasusiedstva, jakija zasnavanyja na ŭzajemnaj padtrymcy i pavazie.
Jon pažadaŭ łatvijskamu narodu ščaścia i dabrabytu, a taksama zaprasiŭ u Biełaruś.
Jak viadoma, Łukašenka nie vinšuje kiraŭnikoŭ «niedružalubnych» krain, a źviartajecca da naroda krainy.