U viosku na Hrodzienščynie bolš nie chodzić dyziel. Reakcyja čynoŭnikaŭ dabiła žycharoŭ
«Jakija 159 aŭtobusaŭ, choć by chłusili bolš ścipła!»
Fota: commons.wikimedia.org
Z 14 śniežnia admianili dyziel-pojezd Bieniakoni — Lida — Bieniakoni, jakim jeździli žychary vialikaj vioski Bastuny ŭ Voranaŭskim rajonie. U vioscy ciapier žyvie bolš za 450 čałaviek. Ludzi stali pieražyvać, što nie zmohuć narmalna dabiracca da susiednich haradoŭ.
Dziaržaŭnaja teleradyjokampanija «Hrodna» paśpiašyła pierakanać, što prablemy nie budzie. Tak, dyziel admianili, ale ź vioski ŭ Voranava i Lidu chodziać aŭtobusy — za tydzień vykonvajecca 159 rejsaŭ.
«Z 14 śniežnia praduhledžana arhanizacyja pieravozki pasažyraŭ dadatkovym rehularnym aŭtobusnym maršrutam «Bieniakoni — Lida» z zajezdam u viosku Bastuny», — raskazała namieśnica staršyni kamiteta pa architektury i budaŭnictvie Hrodzienskaha abłvykankama Natalla Prylepskaja.
Novy aŭtobus, kažuć na TB, budzie kursiravać štodnia pa raskładzie, stvoranym z ulikam pažadańniaŭ miascovych žycharoŭ.
Ale ŭ kamientarach da siužetu ludzi nie strymlivajuć svajho abureńnia. Bo na aŭtobus i cana bolšaja, i raskład nie pad kožnuju pracu padychodzić.
«Pry čym tut aŭtobusy? Na dyzieli ŭsie jeździać, tamu što heta tańniej, čym na aŭtobusie… A ranicaj jak ludzi buduć dabiracca na pracu ŭ Lidu? Pieršy aŭtobus u nas adychodzić u 8:10…».
«Muž kožny dzień dabirajecca ŭ Lidu na pracu i nazad, što rabić ciapier, nie viedajem, asabistaha transpartu ŭ nas niama. Aŭtobus budzie kaštavać u 3 razy daražej za dyziel, i nie fakt, što im budzie zručna jeździć».
«I budziem jeździć u aŭtobusie adno ŭ adnaho na kaleniach, my ŭžo tak jeździm».
«Jakija 159 aŭtobusaŭ, choć by chłusili bolš ścipła! Navat maršrutka, jakaja idzie adzinaja praz Bastuny, i taja nie biare ludziej».