Na klimatyčnaj kanfierencyi AAN u Brazilii zdaryŭsia pažar — usich udzielnikaŭ daviałosia evakujavać
Połymia pierakinułasia z kitajskaha paviljona na susiednija.
Učora na terytoryi kanfierencyi COP30 u Bielemie ŭ adnym z paviljonaŭ pačaŭsia pažar. Usie delehaty byli evakujavanyja, piša Bild.
Połymia, pa paviedamleńniach, pierakinułasia z kitajskaha paviljona na susiednija: u pryvatnaści, ahoń zaŭvažyli ŭ paviljonie achovy zdaroŭja i navuki.
Pradstaŭniki niamieckich ekałahičnych arhanizacyj paviedamili ŭ ŚMI, što evakuacyja prajšła dobra: udzielnikaŭ kanfierencyi adrazu vyvieli na adkrytuju prastoru. Nichto nie paciarpieŭ, ahoń chutka ŭdałosia patušyć.
«Jon užo pad kantrolem, pažarnaja słužba štata Para znachodzicca na miescy», — skazaŭ ministr turyzmu Sełsa Sabinu pa brazilskim telebačańni.
Pažar adbyŭsia ŭ pieradapošni dzień dvuchtydniovaj klimatyčnaj kanfierencyi AAN COP30, na jakoj pierahavorščyki z prykładna 190 krain praciahvali intensiŭna abmiarkoŭvać klučavyja pytańni, takija jak finansavańnie abarony klimatu i handlovyja miery.