Pa «spravie Hajuna» vynieśli žorstki prysud žycharu Jelska
Palitźniavolenamu žycharu Jelska Vitalu Kavalenku prysudzili try hady pazbaŭleńnia voli ŭ kałonii ŭzmocnienaha režymu. Jaho zatrymali 13 traŭnia 2025 hoda i abvinavacili pa art. 361‑4 Kryminalnaha kodeksa (sadziejničańnie ekstremisckaj dziejnaści), daviedałasia «Homielskaja viasna».
Vital Kavalenka
Krynica «Homielskaj viasny» ŭ abłasnym sudzie paviedamiła, što dniami Vitalu Kavalenku vynieśli prysud. Pavodle častak 1 i 2 artykuła 361‑4 Kryminalnaha kodeksa (sadziejničańnie ekstremisckaj dziejnaści) jamu prysudzili try hady pazbaŭleńnia voli z utrymańniem u kałonii ŭzmocnienaha režymu.
Pieraśled Vitala Kavalenki źviazany sa spravaj manitorynhavaha kanała «Biełaruski Hajun», jaki z 2022 hoda adsočvaŭ dziejańni rasijskaj armii na terytoryi Biełarusi pierad i padčas poŭnamaštabnaha ŭvarvańnia va Ukrainu. U lutym 2025 hoda siłaviki atrymali dostup da čata kanała i asabistych danych ludziej, što pieradavali infarmacyju. Paśla hetaha pačałasia chvala masavych zatrymańniaŭ.
Čytajcie taksama:
Byłoha śledčaha ź Niaśviža asudzili za palityku
Pravaabaroncy: Jość 124 proźviščy zatrymanych pa spravie Hajuna
Na Homielščynie za palityku asudzili dvuch pradprymalnikaŭ
Maładuju maci ź Lidy, jakaja tolki što naradziła, asudzili za palityku