Asudzili nastaŭnicu pa fartepijana i tancach ź Viciebska. Imavierna, za Hajun
Taćciana Łukjanava maje bolš za 20 hadoŭ kancertmajstarskaj praktyki. Niadaŭna jaje asudzili pa abvinavačańni ŭ «sadziejničańni ekstremisckaj dziejnaści».
Taćciana Łukjanava. Fota ź jaje staronki Ukantakcie
Taćcianie Łukjanavaj 41 hod. Jana ź Viciebska. U 2003‑m skončyła Viciebskuju dziaržaŭnuju muzyčnuju vučelniu imia Salertynskaha, u 2008‑m — Biełaruskuju dziaržaŭnuju akademiju muzyki pa kłasie fartepijana, a ŭ 2009‑m — mahistraturu, atrymaŭšy stupień mahistra muzykaznaŭstva.
Taćciana była artystkaj i salistkaj kamiernaha arkiestra Viciebskaj abłasnoj fiłarmonii z 2007 pa 2010 hady. Niekalki hadoŭ vystupała ŭ składzie fartepijannaha dueta, jaki aktyŭna hastralavaŭ pa scenach Biełarusi i Rasii. Z 2008 pa 2020 hod Taćciana vykładała śpiecyjalnyja dyscypliny ŭ muzyčnym kaledžy i profilnaj škole ŭ Viciebsku.
Taćciana Łukjanava. Fota: artgrand.by
Jašče Łukjanava doŭhi čas vykładała tancy.
Žančynu asudzili ŭ 2025 hodzie pa abvinavačańni ŭ «sadziejničańni ekstremisckaj dziejnaści» (č. 1 i č. 2 art. 361-4). Miarkujučy pa ŭsim, pieraśled źviazany sa spravaj Hajuna. Joj prysudzili chatniuju chimiju.
Čytajcie taksama:
Byłoha śledčaha ź Niaśviža asudzili za palityku
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier