Da kiraŭnika Ofisa prezidenta Ukrainy Andreja Jermaka pryjšli z vobšukami
Vobšuk pravodziać supracoŭniki antykarupcyjnaj prakuratury i Nacyjanalnaha antykarupcyjnaha biuro (NABU).
Kiraŭnik Ofisa prezidenta Ukrainy Andrej Jarmak fihuravaŭ u karupcyjnym skandale va Ukrainie. Taksama ŭ lipieni byli pratesty, źviazanyja z abmiežavańniem paŭnamoctvaŭ antykarupcyjnych orhanaŭ, u hetym taksama abvinavačvali Ofis prezidenta Ukrainy.
Va Ukrainie rasśledujuć maštabnuju karupcyjnuju schiemu ŭ śfiery enierhietyki. Siarod padazravanych — biznesmien, suŭładalnik studyi «Kvartał-95» i paplečnik Zialenskaha Cimur Mindzič, były daradca ministra enierhietyki Ihar Miraniuk, vykanaŭčy dyrektar pa biaśpiecy «Enierhaatama» Dźmitryj Basaŭ, biznesmien Alaksandr Cukierman, Ihar Fursienka, Lesia Uścimienka i Ludmiła Zoryna. Mindzič i Cukierman źjechali z Ukrainy, astatnich zatrymali.