Youtube pačaŭ patrabavać u biełarusaŭ paćvierdzić uzrost
YouTube masava patrabuje ad karystalnikaŭ paćvierdzić svoj uzrost adpraŭkaj skana pašparta i sełfi, u tym liku na akaŭntach ź Biełarusi. Pra heta piša «Kod Durava».
Paviedamleńnie z patrabavańniem paćvierdzić, što karystalnik paŭnaletni, źjaŭlajecca pry adkryćci videa z uzrostavymi abmiežavańniami.
Dla paćviardžeńnia ŭzrostu YouTube prapanuje padzialicca skanam paśviedčańnia asoby. Heta moža być pašpart abo pravy kiroŭcy. Taksama prapanujuć zrabić sełfi. Važnaje ŭdakładnieńnie: u kampanii dla acenki ŭzrostu pa fota vykarystoŭvajuć padradčyka. Akramia taho, kampanija moža aceńvać uzrost pa adrasie elektronnaj pošty.