Łanda Norys staŭ čempijonam «Formuły-1» i pierapyniŭ daminavańnie Fierstapiena
Brytaniec z «Makłaren» sastupiŭ u apošniaj honcy siezona, ale ŭziaŭ tytuł.
Łanda Norys. Fota: Wikimedia Commons
Brytanski piłot «Makłaren» Łanda Norys staŭ čempijonam «Formuły-1». U finalnaj honcy siezona ŭ Abu-Dabi 26‑hadovy brytaniec finišavaŭ trecim. Ale hetaha chapiła, kab utrymać pieršaje miesca ŭ ahulnym zaliku i ŭziać tytuł čempijona śvietu.
Norys abyšoŭ piłota «Red Buł» Maksa Fierstapiena ŭsiaho na 2 bały. Pradstaŭnik Niderłandaŭ vyjhravaŭ čempijanat čatyry hady zapar. Ale ciapier zastaŭsia tolki vice-čempijonam, niahledziačy na toje, što pieramoh na Hran-pry Abu-Dabi.
Druhoje miesca ŭ apošniaj honcy siezona zaniaŭ jašče adzin honščyk «Makłaren» Oskar Pijastry. U ahulnym zaliku jon finišavaŭ trecim. Kubak kanstruktaraŭ druhi hod zapar uziaŭ «Makłaren», pryčym ź vielizarnaj pieravahaj pierad «Miersedes».
Norys staŭ pieršym čempijonam śvietu nie z «Red Buł» ci «Miersedes» z 2009 hoda. Tady tytuł uziaŭ jaho suajčyńnik Džensan Batan na «Braŭnie».