Na Teneryfie hihanckaja chvala zabrała žyćci troch turystaŭ
Kala zachodniaha ŭźbiarežža vostrava Teneryfie, što ŭ składzie Kanarskich astravoŭ, troch čałaviek źniesła vielizarnaj chvalaj, jašče troje atrymali ranieńni. Adzin čałaviek ličycca źnikłym bieź viestak, paviedamlaje Bild.
Fota ilustracyjnaje
Incydent adbyŭsia ŭčora ŭviečary kala papularnaha pryrodnaha basiejna pobač z Łos-Hihantesam u municypalitecie Sanćjaha-del-Tejde. Ludzi, jakija kupalisia, byli jak na skałach, tak i ŭ vadzie, kali ich raptam nakryła mahutnaja chvala i paciahnuła ŭ mora.
«Viertalot marskoj vyratavalnaj słužby padniaŭ z vady adnaho čałavieka i dastaŭ adno cieła», — paviedamili słužby ekstrannaj dapamohi Kanarskich astravoŭ.
Pavodle źviestak uładaŭ, zahinuli dvoje mužčyn i adna žančyna. Adnamu z mužčyn było 35 hadoŭ, žančynie — 55.
Jašče adna žančyna pieražyła spynieńnie serca na skałach, ale jaje vyratavali z dapamohaj hidracykła, reanimavali na bierazie, a paśla viertalotam dastavili ŭ balnicu.
Čytajcie taksama:
Trapičnyja cykłony zahubili ŭ Paŭdniova-Uschodniaj Azii bolš za 1200 čałaviek
Jak žyvuć ludzi ŭ samaj chałodnaj vioscy płaniety — tam byvaje minus 71°C
Na poŭdni Brazilii prajšoŭ mahutny tarnada, šmat achviar i razbureńniaŭ