ZŠA dali Zialenskamu dedłajn da Kaladaŭ, kab jon padpisaŭ mirny płan
Financial Times paviedamiła, što ZŠA dali Ukrainie termin da Kaladaŭ dla pryniaćcia mirnaha płana. U Kijevie kažuć, što nijakich dedłajnaŭ niama.
Uładzimir Zialenski padčas vizitu ŭ ZŠA 17 kastryčnika 2025 hoda. Fota: AP Photo / Alex Brandon
«Pasłańniki prezidenta ZŠA Donalda Trampa dali prezidentu Ukrainy Uładzimiru Zialenskamu niekalki dzion, kab pryniać mirnaje pahadnieńnie, jakoje patrabuje ad Ukrainy pryznać terytaryjalnyja straty ŭ abmien na nieŭdakładnienyja harantyi biaśpieki z boku ZŠA, zajavili čynoŭniki, znajomyja z chodam pieramoŭ», — havorycca ŭ publikacyi vydańnia.
Pavodle infarmacyi jaho krynic, Donald Tramp spadziajecca ŭzhadnić ździełku da Kaladaŭ 25 śniežnia. Uładzimir Zialenski zajaviŭ amierykanskim pieramoŭščykam, što jon pavinien prakansultavacca ź jeŭrapiejskimi partniorami pierad tym, jak adkazać na prapanovu.
Razam z tym krynica RBK-Ukrainy va ŭładzie zajaviła, što nijakich dedłajnaŭ niama.
Adznačana, što ŭ Trampa sapraŭdy čakajuć chutkaha adkazu, i heta moža być «da Kaladaŭ». Ale kankretnaha patrabavańnia pa dacie niama.
Čytajcie taksama:
Zialenski pra vybary: Ja zaŭsiody hatovy
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie