Minskija ŭłady raskazali pra vyniki ŭčarašniaha patopu na zavułku Čarviakova
Na zavułku Čarviakova ŭ Minsku pravodzicca pravierka terytoryj, jakija padtapiła vada paśla praryvu vodapravoda 9 śniežnia. Pryčyny paškodžańnia 600‑mm trubapravoda pakul vyznačajucca, piša ahienctva «Minsk-Naviny».
Fota: «Minsk-Naviny»
Incydent pryvioŭ da źmianšeńnia cisku vady ŭ rajonie vulic Navavilenskaja — Čarviakova — Maksima Bahdanoviča — Niakrasava — Arłoŭskaja — bulvar Šaŭčenki. U vyniku niekatoryja ŭčastki žyłych damoŭ i aharody byli padtoplenyja.
«Paškodžańnie trubapravoda likvidavana, vodazabieśpiačeńnie całkam naładžana. Na hety momant zvaroty ad žycharoŭ rajona, źviazanych z učarašnim incydentam, ni ŭ elektronnym, ni ŭ piśmovym vyhladzie nie pastupali, — raskazali ŭ administracyi Centralnaha rajona. — Pieršy namieśnik kiraŭnika Alaksandr Macevič naviedaŭ uładalnikaŭ žyłych damoŭ, dzie byli padtoplenyja ziamielnyja ŭčastki i padsobnyja budynki, i ŭdakładniŭ, ci patrebna im dapamoha. Pa damoŭlenaści z domaŭładalnikami budzie praviedziena abśledavańnie majomaści sa składańniem adpaviednaha akta ŭ vypadku vyjaŭleńnia paškodžańniaŭ».
Čytajcie taksama:
U Minsku praryŭ truby vyklikaŭ sapraŭdnuju pavodku VIDEA
Budaŭniki mietro paškodzili vodapravod