Samalot Nikoła Pašyniana nie zmoh sieści ŭ Maskvie praz ataku dronaŭ
Samalot premjer-ministra Armienii Nikoła Pašyniana nie zmoh pryziamlicca ŭ Maskvie. Aeraporty byli zakrytyja praz ataku ŭkrainskich dronaŭ.
Nikoł Pašynian. Fota: Mikhail Metzel, Sputnik, Kremlin Pool Photo via AP
Samalot, na borcie jakoha znachodziŭsia premjer-ministr Armienii Nikoł Pašynian, nie zmoh unačy 11 śniežnia ździejśnić pasadku ŭ Maskvie, piša Baza. Praz ataku ŭkrainskich dronaŭ usie aeraporty maskoŭskaha avijavuzła nie prymali i nie adpraŭlali rejsy.
Samalot Pašyniana amal hadzinu kružyŭ nad Ćviarskoj vobłaściu, čakajučy dazvołu na pasadku, piša Baza, ale tak jaho i nie atrymaŭ. U vyniku samalot adpraviŭsia ŭ Sankt-Pieciarburh, dzie pryziamliŭsia kala pieršaj nočy ŭ Pułkavie.
Pašynian lacieŭ u Maskvu, kab uziać udzieł u pasiadžeńni mižuradavaha savieta Jeŭrazijskaha ekanamičnaha sajuza.