U Bychavie zahadčyca apteki praz machinacyi ź lekami prysvoiła amal 100 tysiač rubloŭ
U Bychavie zahadčyca apteki trapiła pad kryminalny pieraśled za prysvajeńnie hrošaj praz machinacyi z receptami i prodažam lekaŭ. Pavodle infarmacyi prakuratury Mahiloŭskaj vobłaści, u sud pieradadziena sprava ab kradziažy ŭ asabliva bujnym pamiery šlacham złoŭžyvańnia słužbovymi paŭnamoctvami.
Zdymak ilustracyjny. Fota: «Naša Niva»
Zhodna z materyjałami spravy, sa studzienia 2020 hoda pa śniežań 2024‑ha žančyna, budučy słužbovaj asobaj, sistematyčna chavała prodaž lekaŭ za najaŭnyja. Jana nie vybivała pakupnikam kasavyja čeki, a ŭ bazu ŭnosiła chłuślivyja źviestki, nibyta preparaty vydajucca biaspłatna pa receptach.
Na padstavie hetych falšyvych danych Bychaŭskaja rajonnaja balnica pieraličvała hrošy z rajonnaha biudžetu na rachunak «Mahiloŭskaha RUP «Farmacyja» nibyta dla pakryćcia lhotnych receptaŭ. Takim čynam biudžetu była naniesiena škoda bolš jak na 95,7 tysiačy rubloŭ.
Častku sumy fihurantka ŭžo viarnuła.
Čytajcie taksama:
Dyrektar minskaha biznes-centra zachacieŭ adkryć svoj restaran i dla hetaha skraŭ 200 tysiač rubloŭ