Minčanie traciać na ježu 38 pracentaŭ dachodu
Biełstat padličyŭ spažyvieckija vydatki siamji ŭ Minsku.
Fota: administracyja Maskoŭskaha rajona
Pavodle vynikaŭ vybaračnaha abśledavańnia chatnich haspadarak pa ŭzroŭni žyćcia za dzieviać miesiacaŭ 2025 hoda, siarednija štomiesiačnyja spažyvieckija vydatki adnoj chatniaj haspadarki ŭ Minsku skłali 2 168,4 rubla (65 % ad usich hrašovych raschodaŭ), paviedamili «Minsk-Navinam» u Hałoŭnym statystyčnym upraŭleńni stalicy.
Najbolš značnaja častka raschodaŭ, jak i ŭ papiarednija pieryjady, prychodzicca na charčavańnie: 38,3 % spažyvieckich srodkaŭ minčanie traciać na pradukty i naviedvańnie ŭstanoŭ hramadskaha charčavańnia. Druhim pa značnaści artykułam stali niecharčovyja tavary (31,3 %), a na apłatu pasłuh idzie 28,2 % srodkaŭ.
Z ahulnaha abjomu spažyvieckich raschodaŭ na transpart prypadała 12,3 %, na apłatu žylla — 8,1 %, na achovu zdaroŭja — 6,9 %, na pradmiety chatniaha ŭžytku, bytavuju techniku i dohlad za domam — 6,1 %, na kulturu, adpačynak i sport — 6 %, na infarmacyju i suviaź — 5,9 %.