U minskim mietro źmienicca pach
U mietrapalitenie patłumačyli, čamu znajomy mnohim pach padziemki budzie źnikać.
Fota: LookByMedia
Biełaruska pacikaviłasia ŭ Threads ŭ Minskaha mietrapalitena, čym pachnie ŭ mietro. Tam rastłumačyli.
«Kreazot — heta maślanistaja vadkaść z mocnym pacham, jakuju atrymlivajuć ź dziohciu. Jon vydzialaje svoj vodar va ŭmovach tunela, a ciahniki, kali ruchajucca, raznosiać jaho pa stancyjach», — adkazali pradstaŭniki mietrapalitena.
Adnak chutka hety pach moža źniknuć.
«U ciapierašni čas staryja draŭlanyja špały zamianiajuć na bietonnyja, tamu pach kreazotu pastupova źnikaje, asabliva na novych linijach», — patłumačyli ŭ mietrapalitenie.