Z vyzvalenymi viaźniami va Ukrainie siońnia sustrenucca pradstaŭniki demsił
Ciaham bližejšych hadzinaŭ kiraŭnica misii va Ukrainie Śviatłana Šacilina i pradstaŭnik pa biaśpiecy Vadzim Kabančuk naviedajuć vyzvalenych palitviaźniaŭ, adviezienych va Ukrainu.
Jak paviedamlaje Franak Viačorka, daradca Śviatłany Cichanoŭskaj, pradstaŭniki demsił vyśvietlać terminovyja patreby, situacyju z dakumientami i mahčymyja kroki pa dalejšaj rełakacyi.
Viačorka dadaje, što razam z pravaabaroncami Ofis źbiraje kantakty rodnych vyzvalenych, a taksama kamunikuje z partniorami ŭ ES pa pytańniach lehalizacyi. Z ukrainskaha boku praces kaardynujecca pradstaŭnikami HUR.
«Na ciapierašni momant usim vyzvalenym akazvajecca nieabchodnaja miedycynskaja dapamoha. My vielmi ŭdziačnyja kiraŭniku HUR Kiryłu Budanavu», — dadaŭ Franak Viačorka.