«Kalinoŭcy» pieradali dapamohu palitviaźniam, vyviezienym učora va Ukrainu
Bajcy Pałka imia Kastusia Kalinoŭskaha, pradstaŭniki hramadskaha abjadnańnia «Kalinoŭcy», pieradali terminovuju dapamohu palityčnym źniavolenym, jakija ŭčora vyjšli na volu i niečakana byli departavanyja va Ukrainu, chacia ich čakali ŭ Litvie.
«Kalinoŭcy» nabyli i pieradali vyzvalenym pradukty charčavańnia, srodki asabistaj hihijeny, a taksama mabilnyja telefony dla naładžvańnia suviazi.
Jak piša pres-słužba Pałka, im užo ŭdałosia stelefanavacca ź niekatorymi z vyzvalenych. Pavodle ich słoŭ, usie jany znachodziacca ŭ biaśpiecy i im akazvajuć nieabchodnuju miedycynskuju dapamohu.