U Minsku prezientavali pierakład «Majstra i Marharyty» na biełaruskuju movu
U subotu ŭ kinateatry «Pijanier» adbyłasia prezientacyja novaha biełaruskaha pierakładu ramana Michaiła Bułhakava «Majstar i Marharyta». Pierakładčyk knihi — Pavieł Kaściukievič, piša reform.news.
Padčas prezientacyi pakazali film «Maksim Harecki» studyi Uładzimira Bokuna.
Arhanizatary patłumačyli vybar stužki tym, što Harecki, pa-pieršaje, byŭ pierakładčykam ruskaj savieckaj litaratury. A pa-druhoje, dakumientalisty, stvarajučy vobraz prazaika i pierakładčyka, jaskrava pieradali atmaśfieru hramadskaha žyćcia savieckich haradoŭ 20-30‑ch hadoŭ, času dziejańnia ramana «Majstar i Marharyta».
Pavieł Kaściukievič, fota: sacsietki
Vydańnie pierakładu arhanizavała «Akademkniha», «Majstra i Marharytu» pa-biełarusku ciapier možna nabyć u hetaj kniharni.