Pamior kampazitar Viktar Kapyćko
Na 70‑m hodzie žyćcia 14 śniežnia pamior biełaruski kampazitar i muzyčny dziejač Viktar Kapyćko. Pra heta paviedamiŭ krajaznaŭca Vadzim Zielankoŭ. Pryčyna śmierci nie nazyvajecca.
Viktar Kapyćko byŭ adnym z samych značnych i aryhinalnych kampazitaraŭ Biełarusi, jaki pracavaŭ u šyrokim dyjapazonie žanraŭ, ad opier da muzyki dla kino i teatra.
Jon byŭ vypusknikom Leninhradskaj kansiervatoryi i aŭtaram muzyki dla socien kina-, tele– i videafilmaŭ, šmatlikich śpiektaklaŭ. Siarod jaho prac — muzyka da pastanoŭki «Dziadźki Vani» Čechava, a taksama da biełaruskaha histaryčnaha filma «Anastasija Słuckaja».
Pryčyna śmierci nie nazyvajecca.
Apošnija svaje dopisy ŭ fejsbuku Viktar Kapyćko apublikavaŭ učora i pryśviaciŭ ich vyzvaleńniu Mašy Kaleśnikavaj. Jon dadaŭ svaje tvory dla flejty i napisaŭ «Maša na voli».
«Simfoniju čatyroch flejt» jakraz vykonvaje ansambl flejtystaŭ pad kiraŭnictvam Maryi Kaleśnikavaj.