Babaryka: Akty ahresii suprać suvierennaj dziaržavy absalutna nieprymalnyja ŭ sučasnym śviecie

Kamanda Viktara Babaryki paviedamiła, što havaryli jon sam i Maryja Kaleśnikava na anłajn-sustrečy z prezidentam Ukrainy Uładzimiram Zialenskim 15 śniežnia.

Źleva naprava: Uładzimir Łabkovič, Maksim Znak, Maryja Kaleśnikava, Maryna Zołatava, Viktar Babaryka, Alaksandr Fiaduta

Jak śćviardžajecca ŭ telehram-kanale Viktara Babaryki, padčas sustrečy:

«Maryja Kaleśnikava padkreśliła, što całkam padtrymlivaje Ukrainu ŭ jaje baraćbie za svabodu i suvierenitet, i adznačyła, što jaje serca — z narodam Ukrainy.

Uładzimir Zialenski

Viktar Babaryka, u svaju čarhu, zajaviŭ, što akty ahresii suprać suvierennaj dziaržavy i hrubyja parušeńni mižnarodnaha prava absalutna nieprymalnyja ŭ sučasnym śviecie.

Ź jahonych słoŭ, u hetym vypadku havorka idzie pra kapryz abmiežavanaj kolkaści ludziej, nadzielenych uładaj, što chočuć jaje ŭtrymać luboj canoj, nastupstvy jakoj rujnujuć davier pamiž našymi krainami i nanosiać škodu biaśpiecy ŭsiaho rehijonu».

Akramia Babaryki i Kaleśnikavaj, u sustrečy brali ŭdzieł inšyja vyzvalenyja 13 śniežnia palitviaźni: juryst pravaabarončaha centra «Viasna» Uładzimir Łabkovič, advakat Maksim Znak, byłaja hałoŭnaja redaktara partała Tut.by Maryna Zołatava i litaraturaznaŭca dy palityčny analityk Alaksandr Fiaduta.

Kamientary da artykuła