Pucin: Rasija zojmie svaje histaryčnyja terytoryi
Prezident Rasii vystupiŭ siońnia na kalehii Minabarony RF.
Fota: Contributor / Getty Images
Pucin zrabiŭ niekalki zajaŭ. Jon, u pryvatnaści, skazaŭ, što mety tak zvanaj «SVA» — heta značyć, napadu na Ukrainu, biezumoŭna, buduć dasiahnutyja, a Rasija damožacca, jak jon heta nazyvaje, «vyzvaleńnia» svaich histaryčnych terytoryj.
Razam z tym jon skazaŭ, što Rasija zaŭsiody i da kanca imknułasia znajści dypłamatyčnyja šlachi vyrašeńnia kanfliktaŭ, ale rasijskija vojski «ŭpeŭniena prasoŭvajucca napierad i łamajuć supraciŭ praciŭnika», i sioleta «vyzvalenyja 300 nasielenych punktaŭ».
Taksama Pucin zajaviŭ, što «Arešnik» pastaviać na bajavoje dziažurstva da kanca hoda».
Prezident Rasii zrabiŭ revierans u bok lidara KNDR.
«Dziakujučy Kim Čen Ynu plačo ŭ plačo z našymi sałdatami suprać voraha na Kurskim kirunku zmahalisia paŭnočnakarejskija voiny. KNDR brała ŭdzieł u składanaj pracy pa raźminavańni terytoryi», — skazaŭ jon.