Apošnija amierykanskija centy pradali na aŭkcyjonie amal za $17 miljonaŭ
Apošnija adčakanienyja amierykanskija centy pajšli z tarhoŭ za $16,7 miljona. Pra heta paviedamlaje telekanał ABC News sa spasyłkaj na aŭkcyjonny dom Stack's Bowers Galleries.
Fota: abcnews.go.com
Na tarhach pradali 232 śpiecyjalnyja nabory, kožny ź jakich uklučaŭ pieni 2025 hoda vypusku manietnaha dvara Fiładelfii, pieni z 24‑karatnaha zołata z taho ž manietnaha dvara i pieni z manietnaha dvara Denviera.
Na hetych manietach taksama byŭ vyhraviravany simvał Amieha, jakim paznačajecca apošniaja partyja maniet, što ŭpieršyniu adčakanili ŭ 1793 hodzie. Kožny nabor byŭ pradadzieny ŭ siarednim pa 72 tysiačy dalaraŭ, a apošni nabor, numar 232, byŭ pradadzieny za 800 tysiač dalaraŭ.
«Manieta vartaściu adzin cent vytrymała 232 hady historyi našaj krainy, i my hanarymsia tym, što dajem hramadskaści mahčymaść uviekaviečyć hety momant, nabyŭšy adzin z hetych śpiecyjalnych naboraŭ», — padaje telekanał słovy dyrektara manietnaha dvara ZŠA.
Rašeńnie admovicca ad vypusku pieni było pryniataje ŭ lutym 2025 hoda pa rasparadžeńni prezidenta ZŠA Donalda Trampa. Pryčynaj staŭ vysoki sabiekošt čakanki: vytvorčaść adnaho centa abychodziłasia biudžetu ŭ čatyry.
Čytajcie taksama:
Tramp zahadaŭ spynić čakanku adnacentavych maniet
Nieŭzabavie majuć źjavicca novyja banknoty jeŭra. Jany ŭžo vyklikali polska-francuzskija sprečki